(`'•.¸§(الاقسام الشبابية)§ ¸.•')


	مساكم الله بالخير شباب..حبيت اطلعكم على قاموس الكلمات المضحكه بالمملكه -------------------------------------------------------------- الدلخ : وهذاا إنسان غبي جداااا.ويرفع الضغط ....وينرفز ....واكثر من يعااني منه المدرسين ....واهله المنسم : ذلك راجع إلى تهريب الهواء من رأسه و السبب في ذلك هو أن في رأسه فتق لذلك تلقاه دايم يغطس رأسه في سطل موية عشان يعرف من وين التنسيم المهوي : هو مرحلة متأخرة من التنسيم و المهوي وصل لمرحلة متأخرة جدا بحيث يفقد أهله الرجاء منه السلنتح : قليل الأدب جحلط ( بتشديد اللام ) : وهم مرحلة متقدمة للسلنتح مزّلب : يعني بايعها بتراب مسفّح : يعني طاير في العجّة وهو ما عنده ما عندي جدتي , يعني بالعربي الفصيح من جنب العارضة الصتيمة : وهو الشخص اللي ماعنده ماعند جدة جدتي ...!!...ويصدق أي شيء يقال له المسبة أو المسبوة : هو الشخص اللي يكون مروع في صغره لدرجة أنه يصبح شبه فاقد للعقل المفهي : هذا الله يخلف مهما تقول له أو تصارخ عليه تلقاه فاتح فمه و بس و إذا كلف عمره و تفاعل معك رد عليك و قالك : هه الحقنة : هو الشخص الغثيث اللي ما يفكك لين تعطيه اللي يبيه منك و مهما تسوي له عشان تصرفه عن الموضوع حقه ينشب في حلقك لين يأخذ منك اللي يبيه , وهذا يفسر قول العرب : أغث من حقنة العلة : هذا اللي ما تأخذ أنت منه أي شيء و لا عنده استعداد انه يسمع منك مهما حاولت وهو كالمرض يعلك لين تنفقع مرارتك منه العربجي : يظن معظم الناس أن العربجي هو الشخص الشديد حق المشاكل و اللي ما يمشي إلا وهو مشخص ببنت البكار ( أسم لطريقة لبس الشماغ عند العرابجة ) و حاط مفاتيحه في سلسلة و لا بس نعال سجاديه و يسحبها تسحيب لين جاء يمشي و دايم فاتح صدره و رازه على فوق و كانك ولد أبوك قله شيء بس . لكن في الآونه الأخيرة ظهرت إشاعات تقول بأن العربجي هو اللي يسوق الحمار(الله يعزكم) لكن صرح مصدر موثوق من عائلة العرابجة بأن هذه إشاعة مغرضة أطلقها عليهم أحد الخكاري المرجوج : هذا ما عمره صلح شيء صح في حياته ما يمديك تفتح فمك إلا و طار في العجة بدون ما يفهم وش السالفة . و الارتجاج الحاصل له يختلف تماما عن مشكلة المسبة أو المسبوة حيث يكون الارتجاج هنا نتيجة صدمة و ليس نتيجة روعة المطفوق : من فصيلة المرجوج ... إلا أن مايميزه هو انه اذا مر من عند كاس أو جيك أو ابريق أو أي شيء فيه سائل لازم يكبه ( أي يسكبه ) برجله وهو مايدري ،، ولا تخليه يمر بجنبك وانت معك صينية فيها بيالات لأنه لازم يطخها بيده أو بكتفه ..!! أيضا لاتخليه يصب قهوة لضيوف لأنه لازم يكب القهوة على ثوب واحد منهم الملكع : أما هذا فيعرف حتى السكن(اي الجن ) و مقطع السمكة و ذيلها و مهما تحاول تلف و تدور معه تراه فاهم و عارف وش تبي بالضبط فلا تتعب نفسك زعّيط : مسوي نفسه يفهم في كل شيء وهو من جنب العارضة المصرقع : هو كل شخص ما يهمه شيء و اللي يطري على باله بيسويه لأنه ماخذ الدعوة سعة صدر و هبال المفلت : هو كل شخص ما تقدر أنك تأمنه على شيء لأنه مهوب تكانة و يتميز بكل أنواع الإهمال و التطنيش الخكري : ببساطة الخكري = نعومة + دلع + ليونة والله لايبلانا اللزقه: هذا الشخص اللي علطول معك وقدامك ووراك وكل شي وتطلع مع الباب تلقاه تركب في السياره تلقاه يطق القزازه وكذا آخوووكم عبدالعزيزالقرشي الموضوع الأصلي : قاااموس الكلمات المضحكه في المملكه>>>هع المصدر : منتديات المسلسلات التركية

توقيع عبدالعزيز القرشي


	ههههههههههههههههه ثانكس على الموضوع فديت اهل السعوديه الموضوع الأصلي : قاااموس الكلمات المضحكه في المملكه>>>هع المصدر : منتديات المسلسلات التركية

توقيع نسيت انساك(A)


	تسلمي وشكرا على المرور :oops: الموضوع الأصلي : قاااموس الكلمات المضحكه في المملكه>>>هع المصدر : منتديات المسلسلات التركية

توقيع عبدالعزيز القرشي


	الموضوع الأصلي : قاااموس الكلمات المضحكه في المملكه>>>هع المصدر : منتديات المسلسلات التركية

توقيع مرام سالم

» أفضل النكت .. شاركونا في موسوعة النكت المضحكه
» اجمل الكلمات عن الصداقة
» بعض الكلمات اليابانية مع معانيها
» تعلم بعض الكلمات الفرنسية
» اذا كسرتك الايام يوما000تذكر هذه الكلمات

(`'•.¸§(الاقسام الشبابية)§ ¸.•')

الضحك والفرفشة

العنوان: قاااموس الكلمات المضحكه في المملكه>>>هع

قاااموس الكلمات المضحكه في المملكه>>>هع

مواضيع مماثلة

مواضيع مماثلة